വഴിയരികിൽ കണ്ടൊരു പൂവിനെ
വെറുതെ നുള്ളിയെടുത്തു ഞാൻ
ആരും കാണാതുടനെ അതിനെ
കീശയിലാക്കി ഒളിപ്പിച്ചു
അതിന്റെ നിറവും മണവും ഗുണവും
ഇനിമേൽ എന്നുടെ സ്വന്തം
വഴിയിലെ പൂവുകൾ കാഴ്ചകളെല്ലാം
പിന്നെ കാണാനായില്ല
ഇടയ്ക്കിടയ്ക്ക് കീശയിൽ നോക്കി
പൂവുണ്ടവിടെ ഭദ്രം
യാത്ര കഴിഞ്ഞിട്ടെടുത്ത് നോക്കി
ഗർവ്വോടെന്നുടെ പൂവിനെ ഞാൻ
വലിച്ചെറിഞ്ഞാ മണമില്ലാത്തൊരു
വാടിയ പൂവിനെയുടനെ
ചുറ്റിലുമപ്പോൾ പല ചെടികളിലായ്
പുഞ്ചിരിതൂകി പൂക്കൾ
No comments:
Post a Comment