നിദ്രയുടെ താളപ്പിഴകളിൽ
നിനവിന്റെ നിഴലനക്കങ്ങൾ
നിനവിന്റെ ഇടവേളകളിൽ
കിനാവിന്റെ മായക്കാഴ്ചകൾ
കിനാവും നിനവും കെട്ടുപിണഞ്ഞു
നിദ്രാ സമുദ്രത്തിൽ അനന്തനായി
ഞാനെന്ന ഭാവത്തെ കടഞ്ഞു
ഉലകത്തിൻ ഉണ്മയുണർന്നു
കിനാവിൽ കണ്ട കനത്ത മഴ
അപ്പോഴും പുറത്ത് പെയ്യുന്നുണ്ടായിരുന്നു
കിനാവിൽ ഇടിവെട്ടിയത്
അപ്പോഴും പുറത്ത് മുഴങ്ങുന്നുണ്ടായിരുന്നു
നിദ്രയിൽ എഴുതി തുടങ്ങിയ ഉന്മാദം
കിനാവിൽ ഞാൻ മുഴുവനാക്കട്ടെ
No comments:
Post a Comment