പുതുനാമ്പുകൾ

പുതുനാമ്പുകൾ

പുതുതായ് പിറന്ന കാലം കൺമിഴിച്ചു

ചുറ്റും നോക്കി

പകച്ച് ചോദിച്ചു

ഞാനെന്ത് ചെയ്യണം

പ്രഭാതം മറുപടി പറഞ്ഞു

നീ നന്മകളുടെ കണിയാവുക

വേനൽ മഴയിൽ 

അപ്പോൾ കുരുത്ത പുൽനാമ്പ്

അതു കേട്ട് കോരിത്തരിച്ചപ്പോൾ

ഒരു പൂർണ്ണസൂര്യൻ അതിന്റെ

നെറുകയിൽ പ്രകാശിച്ചു

ഇലച്ചാർത്തുകളിൽ

തത്തിക്കളിച്ചിരുന്ന

വിഷുക്കിളിയുടെ

ആഹ്ലാദം സംഗീതമായി

ഉരുളിയിൽ 

മുറിപ്പാടുണങ്ങാത്ത

ഒരു കണിക്കൊന്ന

വേദന മറന്ന്

മന്ദഹസിച്ചു