ഞാനാർക്ക്

ഞാനാരെന്നല്ലെൻ ചോദ്യം

ഞാനാർക്കെന്നാണെൻ ചോദ്യം

ഞാനാർക്ക് നല്ലത് ചെയ്തു

ഞാനാർക്ക് ദ്രോഹം ചെയ്തു

ഞാനാർക്ക് ചോറ് കൊടുത്തു

ഞാനാർക്കുടുമുണ്ട് കൊടുത്തു

ഞാനാർക്കെൻ കാഴ്ചകൾ നൽകി

ഞാനാർക്കെൻ കേൾവികൾ നൽകി

ഞാനാർക്ക് താങ്ങായ് തണലായ്

ഞാനാർക്ക് കണ്ണിൽ കരടായ്

ഞാനാർക്കെൻ ചിന്തകൾ നൽകി

ഞാനാർക്കെൻ കവിതകൾ നൽകി

ഞാനാരെന്നറിയണമെങ്കിൽ

ഞാനാർക്കെന്നറിയുകയാദ്യം